تعالی الله کی عالمده منیم سن تک امامیم وار
شعر ترکی
تعالی الله کی عالمده منیم سن تک امامیم وار
امامی صاحب فر و شکوه و احتشامیم وار
امامی صاحب رأفت امامی صاحب رفعت
کی خوان جود وفضلیندن منیم نان و طعامیم وار
سپهرجود ورحمتده چیخیب بیر ماه نورانی
کی اول ماه تمامیمدان نصیب ناتمامیم وار
الیم بوشدور یوزوم قاره خوشام کی بارگاهیندا
اگرچی فیض خاصیم یوخ ولیکن بار عامیم وار
سنین گلجک آدین قلبیم منیم تیر تیر اسیرشاها
اسیر عشقووم یعنی اوره گدن احترامیم وار
اولار آهو کیمی قلبیم سنه هر گون پناهنده
دیلیمدن دوشمییب دوشمزدعای صبح و شامیم وار
یادیمدان چیخمیوب چیخماز آنام سویلردی حسرتله
یاخین یئردن الیم چاتمیر اوزاق یئردن سلامیم وار
صبا کحل البصر گوندر خراسانین دیاریندان
کی اول توپراق دا یئر دوتموش امام اوغلی امامیم وار
لیاقت ایستیر شاها سنه حتی غلام اولماق
کرمله چوخ حساب ائیله اگر آز ننگ و نامیم وار
نولار بیرگون گورم رویاده کی سویلور اباصلتی
(شهودی) تک منیم مینلر گوزی آغلار غلامیم وار
علی شهودی
