ای رضاسی حقین رضایتی ملک دینه سلطان امام رضا
شعر ترکیای رضاسی حقّین رضایتی
ملک دینه سلطان امام رضا
آستانه سی حِصنِ اهل دل
شرط دین و ایمان امام رضا
پادشاه اقلیم عشق سن
فتح ائدیب جهانی محبتین
گون به گون مقامین عیان اولور
چشمه تک جوشور خلقه رحمتین
حق اوزی سنه ائیلیب نظر
باشه گلمیندور سخاوتین
یئتمیش حج مقبولیدن یقین
باشدی معرفتله زیارتین
عاشقین تاپار هر ایکی جهان
مهر و لطف شایان امام رضا
گر چه سن غریب لر غریبی سن
لیک اورکلرین آشناسی سان
حق سیزه ولایت عطا ائدیب
یئر گوی اهلینین مقتداسی سان
زائرین اولار حاجتی روا
هر شکسته قلبین صفاسی سان
اهل درده دارالشفا وارین
چاره سیز لرین رهگشاسی سان
ائیلیوبدی ایرانی مرقدین
سویملی گلستان امام رضا
قویما درگهوندن اوزاق دوشم
چون منیم بهشتیمدی بو حرم
دیل آچاندان اورگشمیشم آدین
فخریله بو درگهده نوکرم
جان فدا گوزل بارگاهیوه
دوت الیمدن ای شاه محترم
دیلده واردی چوخ حاجتیم منیم
قیل عنایت ای صاحب کرم
من کیمی گدا خوشدی سن کیمی
شاهه اولسا مهمان امام رضا
بس که مهربان و رئوف سن
منده تیکیمشم گوز سنه آقا
بخت یاراولوب آستانیوه
من اوزی قرا اولموشام گدا
عاشق اولموشام آل حیدره
لازم اولسا جان ائیلرم فدا
قول وئرمیسیز زائرین اولا
اوچ مکاندا حاجت لری روا
قیل نظر بیزه تا که حشریده
اولمیاق پریشان امام رضا
گون کیمی اولوب عالمه عیان
ای عزیز زهرا جلالتین
شیعیه وئرور عزت و شرف
هر ایکی جهاندا شرافتین
ائیلوبدی سیراب لطفیله
برّ و بحری، بحر کرامتین
بیر پناهسیز آهو تک منی
صید ائدیب کمند محبتین
درد فرقتون گور نئجه منی
ائیلوب دی نالان امام رضا
زایل ائیلیر درد و غصه سین
کیم گلیب اوپه آستانیوی
سن کریم سن سالماسان یولا
دست خالی هئچ میهمانیوی
آند وئرم اولساعته سنی
اودلانیب اوجاتدون فغانیوی
یولارا باخیب گوزده اشک تر
گوزلیوردون اوز نوجوانیوی
ائیله جمله عشاق دردینه
لطف الیله درمان امام رضا
فهرست اشعار:
برچسب ها:
