دانلود برنامه بحارالاشعار

ای منیم غیرتلی عباسیم دل و جانیم اوغول

شعر مداحی روضه حضرت عباس (ع) - ای منیم غیرتلی عباسیم دل و جانیم اوغول - متن شعر ترکی

شعر ترکی
زبان حال حضرت ام البنین

ای منیم غیرتلی عباسیم دل و جانیم اوغول
هارداسان گوزلور سنی چشم پریشانیم اوغول

یاده سالدوقجا گئچن ایامی سینه داغلارام
اشکیمی باران کیمی سولموش عذاره باغلارام
دورد اوغول هجرینده من صبح و مسا قان آغلارام
یاندیرار دشمن لری فریاد و افغانیم اوغول

جان سنه قربان همیشه افتخار اولدون منه
ایچمدون سو، سو کنارینده آنان قربان سنه
سیندی باشین مرحبا باش اگمدین هیچ دشمنه
جاان سنه قربان اولا ای تشنه قربانیم اوغول

ای کئچن جاندان یارالی جانیوه قربان اولوم
اوخ دگن مشگه لب عطشانیوه قربان اولوم
مسلک و معیاریوه ، ایمانیوه قربان اولوم
ای منیم گیزلین غم و اندوهه درمانیم اوغول

اولمادی قسمت گوریدیم کفریله پیکاریوی
صحنه میداندا شور عشقیوی ایثاریوی
باشیوه کیم ویردی یاره کیم سالیب قوللاریوی
کیم سنی شرمنده ائتدی شیر میدانیم اوغول

ائتمیشم ازبر آدین من سسلرم هرآن سنی
گل بو آخر دم ده رو به قبلییه دوندر منی
گل اوخی قران اورکدن زائل ائیله غصه نی
گل نئجه گور ایسلانیب اشکیله دامانیم اوغول

ائیلدین ایثار اوغول چوخ چوخ اوجاتدون باشیمی
منظر قویدون بیر عمری دیده خونپاشیمی
یوخ الین گلسن اگر پاک ائتماقا گوزیاشیمی
غملیدور بو قدر وار که وصل و هجرانیم اوغول

کربلادن گلدی بو دلخستیه چوخلی خبر
چوخ چتین دور باوری اما خبرلر معتبر
جنگیده قولسوز بدن ایا نئجه ساخلار سپر
یادیمه سالدوقجا باشدا قینییر قانیم اوغول

گوزلرین قربانی راحت یات هایاندا یاتمیسان
باش و جانیندن گئچیب آمال قلبه چاتمیسان
وار خبر اوغلوم حسین و زینبی آغلاتمیسان
دوزدی بو غمده نئجه اول تشنه سلطانیم اوغول

گوزلریم یولدا قالیب هجرانیدن دلخسته یم
عشقیوه ای با وفا بیر عمریدی دلبسته یم
باشیم اوسته گل منی قورتار هله جان اوسته یم
هارداسان گل حبس اولوبدی سینه ده جانیم اوغول

محمد مدهوش

79
شعر بعدی