یا زینب ایله لطف و عطا زینبیه ده
شعر ترکی
یا زینب ایله لطف و عطا زینبیه ده
بیر وقفه ساخلیوم من عزا زینبیه ده
بیر غصه ایلیوبدی احاطه وجودیمی
غمدن منی گل ایله رها زینبیه ده
هر کیمسه دردی اولدی گلوب صدقیلن آلوب
امراض نا علاجه دوا زینبیه ده
هر نیلورم اجابته یتمور دعالریم
لطفا منی سن ایله دعا زینبیه ده
هرچند اولوبدی حالیمه شامل عنایتون
قلبیم تاپوب بیر آیری صفا زینبیه ده
اما چوخ ایستیرم گینه زوار اولام خانم
نذریم وار ایلیم من ادا زینبیه ده
نذریم بودور کی بیر آناوا ساخلیم عزا
اوز محضرینده ، ایله روا زینبیه ده
زهرایه خاطر اولسادا دعوت ایله خانم
حاجت روا اولا بو گدا زینبیه ده
گلسم دوباره یوز قویارام آستانیوه
سالام بو باشه شور ونوا زینبیده
عرض ایلرم او قبریوه جانیم اولا فدا
وئر بیر برات کرب و بلا زینبیه ده
قارداش غمینده ای بوکولن سرو قامتی
گوردون کی یوخدی عمره وفا زینبیه ده
گوزیاشلی سسلدون گل حسین زینبون ئولور
گلموش باش اوسته پیک خدا زینبیه ده
امکانی اولسا ایلمه عباسیمه خبر
دفنه گلوبدی زین العبا زینبیه ده
آخر نجور قویار باجیسون اوز مزارینه
قولار بدندن اولسا جدا ، زینبیه ده
« شیدا » بس ایله خامه آلیشدیردی صفحه نی
یاندی اورک گلوب بو ندا ، زینبیه ده
آخشام اذان چاقیدی خانم یومدی گوزلرین
یاسه باتوبدور آل عبا زینبیه ده
محمدرضا‌صادقی‌شیدا
