گوز آچدی عالمه گلدی امام رضا
شعر ترکیگوز آچدی عالمه گلدی امام رضا
آیدین بو گوزلروز آللهَ شکر اولا
سسلن رضا رضا - روحون تاپا صفا
قلبه صفادی بو - لطف خدادی بو
یا ثامن الحجج - یا ثامن الحجج
اولسون گرک بوگون دل لرده بوسخن
خوش گلموسن آقا گول لندی انجمن
گل تک جمالووا رشک ایلوری سمن
سسلن رضا رضا روحون تاپا صفا
فخر زمندی بو - سیمین بدندی بو
یا ثامن الحجج - یا ثامن الحجج
کوثربالا سیدورحسنونده یوخ مثل
خلق ایلیوب بونی آللهی بی بدل
بیر گوز گورنمیوب بوندان اولا گوزل
اسمی رضادی بو - دینه فدادی بو
یا ثامن الحجج - یا ثامن الحجج
مفهوم علمدی دنیای بینشه
قرآندی ازبری سرلوح دانشه
خلقتده شاهکا ر بو آفرینشه
سسلن رضا رضا روحون تاپا صفا
شمع ولادی بو - شمس هدادی بو
یا ثامن الحجج - یا ثامن الحجج
هجران غمی اولارهردردیدن آغیر
داغلار کیمی اگرغم اوستوه یاغیر
موسی الرضانی گل بو محفله چاغیر
سسلن رضا رضا روحون تاپا صفا
درد آشنادی بو - مشکل گشادی بو
یا ثامن الحجج - یا ثامن الحجج
گلزار عشقیده آچدی گل مراد
اولسون جهانیده خواهان عدل و داد
یاز( عدلی) مدحینی دللرده شوریاراد
سسلن رضا رضا روحون تاپا صفا
کان وفادی بو - اسمی دوادی بو
یا ثامن الحجج - یا ثامن الحجج
عدلی تبریزی
فهرست اشعار:
