نولار بو روسیهه دهریده بها وئره سن
شعر ترکینولار بو روسیهه دهریده بها وئره سن
مریض عشقیوه بیر دفعه ده شفا وئره سن
آقام امام رضانین مجلّله باجیسی
بو دردمندیوه ده نسخه‌ء دوا وئره سن
ایشیم دوشوب دوگونه بیر نولی محبتیله
عنایت ائیلیه سن فرصت دعا وئره سن
نولار حریمیوه بو زاری دعوت ائیلیه سن
نولار بو قلبیمه بیر دفعه ده صفا وئره سن
نولار بو سائلوزنده سلامینی آلاسان
بو غملی سینه سینه نوریلن جلا وئره سن
اورک دولوبدی ، عذاره آخور گوزوم یاشی
عنایت ائیله سن فرصت عزا وئره سن
خانم محرّمه آزقالدی تنگ اولوب اورگیم
مگر نولار ، منه امضای کربلا وئره سن
باشیمدا واردی زیارت هواسی ، شیدایم
نولار قُما چاغیروب مشهد الرضا وئره سن
محمدرضاصادقی‌شیدا
فهرست اشعار:
برچسب ها:
