اگمرم من باشیمی بیر کیمسییه الا حسین
شعر ترکیاگمرم من باشیمی بیر کیمسییه الا حسین
وار باشیمدا شور و حال حضرت مولا حسین
رمز و راز کاف و ها و یا و عین و صاد، اودور
کَلْمَةُ الحسنی حسیندور عُروةُ الوثقی حسین
کیمسه مولایه طرف عشقیله وورسا بیر قدم
مین قدم حقه قسم اولسون گلر آقا حسین
قورخورام بس که سخی دور قتلگهده اول زمان
قاتلین عفو ائیلیوب اول حضرت والا حسین
آه او گوندن کی مزاریم دوره سی خالی اولار
گوز آچوب گوررم کناریمده دوروب تنها ، حسین
واریقینم روز محشر ، کیمسه اولسا عاشقی
سسلنر یارب حسابی هر نه اولسا ، با حسین
اولمارام بیر شخصه بنده ، چکموشم دنیادن ال
در عَوَض عقباده ائیلر چون منه اعطا ، حسین
کوله باریمده گناهیم چوخدی اما وار یقین
پاک ائدر بیر قطره اشکیلن اونی یکجا حسین
ایستیسن آیا حرم ؟ سویلردی اشکیلن آنام
سویله بعد از ذکر و تسبیح خانم زهرا ، حسین
هر زمان تنگه اورک دوشدی دولوب اشکیله گوز
غملریم زایل اولوب تا سسلدیم من ، یا حسین
ابر و باد و ماه و خورشید و فلک امرینده دی
سسلنور شیدا کیمی هر تک تکی گویا حسین
محمدرضاصادقی شیدا
فهرست اشعار:
برچسب ها:
