شعر مداحی روضه تخریب قبرستان بقیع اگر بقیع ده یوخدی بقاع بقاسی که وار

بیانیه وبسایت بحارالاشعار در مورد انتشار کتاب بحارالاشعار
مجموعه: تخریب قبرستان بقیع
قالب شعر: روضه
بازدید: 163

اگر بقیع ده یوخدی بقاع بقاسی که وار

شعر ترکی

اگر بقیع ده یوخدی بُقاع ، بقاسی که وار
ضریحی اولماسادا عزت و صفاسی که وار

حریم عشق ولا مهبط ملائکدور
بدون گنبد و گلدسته ، مبتلاسی که وار

او یرده شیعه لرون دورت امامی دفن اولونوب
گدالرون اولارا دلده التجاسی که وار

او دورت امامون اگرچه ضریحی یوخ ،اما
عنایتیله بیزه دائما عطاسی که وار

یاتوب او یرده ابالفضله آغلیان بیر آنا
ضریحی یوخدی اگر ، قبرینون نماسی که وار

وبیرده دخت نبی قبری اوردا پنهاندور
اگر چه زائری یوخ ، صاحب بکاسی که وار

بالاسی حضرت مهدی او قبره زائردی
امام منتقمین اوردا آه و واسی که وار

اگر غریبدی ظاهرده اوز دیارینده
خدایه شکر اولا بی حد آشناسی که وار

ائشیتمیشم که خراب ائیلیوبله صحنلرین
یقین خراب ائده نون حشریده سزاسی که وار

اگر چه مانع اولور اشقیا زیارتینه
ولی زیارت اوچون اونلارین رضاسی که وار

خدادن ایسته بقیعنون زیارتین شیدا
نصیبون اولماسادا حضرتین سخاسی که وار

بو آرزودی که اوردا دویونجا آغلیاسان
الونده یئتمسه باشدا بقیع هواسی که وار

اورک دولاندا ملک پوریده دعا ائیله
الی یتیشمسده دیلده ربناسی که وار




محمدرضاصادقی‌شیدا

کلیه حقوق مادی و معنوی طبق قانون تجارت الکترونیکی جمهوری اسلامی ایران برای وبسایت (بحارالاشعار) محفوظ است

هرگونه سوء استفاده از نام بحارالاشعار و محصولات وبسایت شرعا حرام و قانونا مورد پیگرد قرار خواهد گرفت

© 2022-2023 beharalashar.ir All Rights Reserved.

فهرست